近年都有唔少同飲食VS健康／運動表現有關嘅紀錄片，例如《The Game Changers》、《The The Magic Pill》、《Super Size Me》，但係紀錄片嘅製作始終都係為左賺錢，娛樂觀眾，裡面所傳達嘅訊息其實唔完全正確，甚至有偏頗。之前亦針對《The Game Changers》出過一篇文，有興趣就碌返落去睇啦。
當飲食紀錄片開始越來越多嘅時候，啲人開始依賴從中得到嘅營養資訊，而唔係睇科學研究報告，無哂自己嘅判斷能力，一堆人睇完《The Game Changers》話完全轉做素食就係一個好好嘅例子。
係咪想講素食唔好？又唔係，但係你係咪真係有需要做到咁極端？
除左為「運動表現」之外，亦有人係因為「健康問題」，亦有人係因為「道德」。
先從道德角度出發，唔食肉係因為不忍殺生。但係，食肉都唔一定要殺生，就例如係只食自然死去或者意外身亡嘅動物，同時，你亦都要清楚自己會因而容易缺少從肉類得到嘅營養；
至於係改善健康、運動表現方面，你可能睇好多研究報告話素食者壽命較長，事實上係佢哋改變飲食嘅同時，亦都比較注重平時嘅生活習慣，唔食煙唔飲酒，睡眠充足，適量運動，假設一位素食者佢嘅生活習慣一樣每日食煙飲酒唔訓覺，其實一樣會出現好多慢性疾病。同時，素食者一般都要額外靠補充品，吸收佢哋缺乏嘅營養，特別係維他命B12同Creatine（肌酸），無咗依啲營養，亦有機會降低運動表現同影響健康，詳情可以睇返上一篇文。
蔬果係健康，但係唔等於肉類係唔健康。一切都要睇你食嘅頻率同份量。而最好嘅飲食方法就係兩者之間取得平衡，蔬果同肉類兩樣都要有。食物金字塔大家都學過，每類食物提供嘅營養都唔同，功用都有唔同，好似係抗氧化、幫助骨質健康、心血管健康、提供膳食纖維等等，每日攝取足夠先可以維持身體健康運作。六大類食物，缺一不可。
文:Eunice
圖KAPO
#kofgym #gym #muscle #vegan #vegetables #vegetarian #documentary #素食 #素食者 #hongkonggym #香港健身 #香港人
Search